Дээди Хурал тыва дылга диктант бижээн
21 октября 2022 - 09:37
ТР-ниң Дээди Хуралының (парламентизиниң) депутаттары болгаш ажылдакчылары дүүн, октябрь 20-де, тыва дылга диктант бижээн.
Ону Республиканың национал школа хөгжүдер институдунуң директору, дыл эртемнериниң кандидады Елена Куулар эрттирген.
Диктантының сөзүглелинге Тываның улустуң чогаалчызы Александр Даржайның «Өнчү» деп чогаалын ажыглаан. Чаңчыл болган бо акцияны ноябрь 1-де эртер Тыва дыл хүнүнге тураскааткан.