Өвүр кожууннуң малчыннарының Наадымынга Дээди Хуралдың депутаттары киришкен
29 июня 2025 - 22:24
Тыва Республиканың Дээди Хуралының депутаттары Белекмаа Мунге биле Чалым Чүлдүм-оол дүүн, июнь 28-те, Хандагайтыга Өвүр кожууннуң малчыннарының Наадымынга киришкен.
«Төрээн чуртувустуң болгаш Тывавыстың хөгжүлдези, амыр тайбың, тодуг-догаа амыдыралы силерниң холуңарда. Тыва чонувустуң көшкүн амыдыралын, үндезин арат ажылын сиңирген чараш байырлал – кожуун Наадымы-биле силер бүгүдеге изиг байырны чедирип тур мен. Ажыл-ижиңер бүдүнгүр болзун! Амыдырал чуртталгаңарга аас-кежикти, аал-ораныңарга өөрүшкү-маңнайны, ал-бодуңарга кадыкшылды, омак-сергек чорукту, чедиишкиннерни болгаш сайзыралды күзедим!» - деп, Белекмаа Мунге VK-та бодунуң арнында бижээн.
Теги: