«Чаңгыс демниг Россия» партиязының спортчулары күжүн Чаа-Хөлге шенешкеннер
Бөгүн Чаа-Хөл кожууннуң Кара-Суг аржаанының девискээринге «Чаңгыс демниг Россия» партиязының Тыва регионалдыг салбырының тус чер үүрлериниң спортчу командаларының аразынга спартакиада болуп эрткен.
Аңаа ТР-ниң Дээди Хуралының Даргазы Кан-оол Даваа, Күрүне Думазының депутады Айдың Сарыглар дээш, өскелер-даа киришкен.
«Спартакиада – ынак партиявыстың тус чер салбырларының аразынга харылзааны быжыглаарынга база тергиин шөл-дүр. Бөгүн маңаа чедиишкиннеривис дугайында база чугаалажыылы, чаа солун планнарны тургузаалы. Чүге дизе, бистер чаңгыс улуг команда бис, бистиң сорулгаларывыс, эчис күзелдеривис чаңгыс – чоннуң амыдыралын экижидеринге үре-түңнелдиг киржилге» – деп, Кан-оол Даваа чугаалаан.
Спортчу оюннарның түңнелдери-биле тиилекчи командыларны шаңнап-мактаан.