Берт-Даг суму 100 чыл оюн демдеглээн
Тес-Хем кожууннуң Берт-Даг суму сентябрьның 19-20 хүннеринде үндезилеттинип тургустунганындан бээр 100 чыл оюн демдеглеп эрттирген.
Аңаа белеткел ажылдар үезинде сумунуң ийи улуг кудумчузун эрге-чагырга органнарының деткимчези-биле асфальтылаан, төрел аймактарның киржилгези-биле стадионну дээш, өске-даа объектилерни септеп-селээн.
Байырлал хүннеринде культурлуг болгаш спортчу оюн-тоглаалар, адаан-мөөрейлер хөйү-биле эрткен. Сентябрь 20-де суму стадионунга болган театржыткан көргүзүг үезинде ТР-ниң Чазааның Даргазының оралакчызы У.А. Ондар, ТР-ниң Дээди Хуралының депутады А.Э. Соруктуг олар чыылганнарга байыр чедиргеннер. Сумунуң бөлүк чурттакчыларынга, ооң иштинде тускай шериг операция киржикчилеринге тыва парламентиниң шаңналдарын тывыскан.
https://vk.com/album-114457376_310138438