Дээди Хурал тыва дылга диктант бижээн
27 октября 2025 - 17:25
ТР-ниң Дээди Хуралының (парламентизиниң) депутаттары болгаш ажылдакчылары бөгүн, октябрь 27-де, тыва дылга диктант бижээн.
Ону дыл эртемнериниң кандидаттары, ТывКУ-нуң тыва филология болгаш ниити дыл эртеминиң кафедразының удуртукчузу, доцент Айлаңмаа Мылдыргыновна Соян биле ол-ла кафедраның улуг башкызы Шеңне Вадимовна Монгуш олар эрттиргеннер.
Диктантының сөзүглелинге Тываның улустуң чогаалчызы Монгуш Кенин-Лопсанның «Улуг хемниң шапкыны» деп романындан үзүндүнү ажыглаан. Чаңчыл болган бо акцияны ноябрь 1-де эртер Тыва дыл хүнүнге тураскааткан.