Дээди Хуралдың депутады Буян Биче-оол ТР-ниң Баштынының Айыткалынга хамаарыштыр
«ЦСКА-Тыва» спорт школазын улам хөгжүдери-биле Кызыл хоорайга чаа универсалдыг спорт комплекизин тудуп эгелээр деп шиитпирни хулээген. Бо улуг төлевилелдиң боттандырылгазын чедип алганы – Тыва Республиканың Баштыңы Владислав Ховалыг баштаан команданың чедиишкини болур.
Бо медээни амы-хуумда улуг өөрүшкү-биле хүлээп ап турар мен! «ЦСКА-Тыва» спорт школазынын ажытынганындан бээр 10 чыл эрткен, оон өөреникчилериниң улуг-биче маргылдааларга чедиишкиннери билдингир. Россияның Камгалал яамызы бодунуң Тывада спорт школазының эки түңнелдерин билир болгаш, ындыг деткимчени көргүскени ол. Мындыг тодаргай ажылдар тренер-башкыларны-даа, кижизидип турар аныяк спортчуларывысты-даа чүглендирип турар. Бо бүгү хемчеглер Тывага уруглар спортун хөгжүдеринге, аңаа эки көргүзүглерни чедип алырынга салдарлыг болуру чугаажок».