Мөген-Бүренде Шагаа байырлалы
Дээди Хуралдың Аграр политика, чер харылзааларының, бойдус ажыглалының, экология болгаш эвээш санныг үндезин чоннар херектериниң талазы-биле хораазының даргазы Айдыс Леонидович Куулар, депутаттар Ульяна Монгуш болгаш Ужар-оол Иргит олардан тургустунган парламент делегациязы Шагаа бүдүүзүнде Мөңгүн-Тайга кожууннуң Мөген-Бүрен сумуже үнүүшкүннү кылган.
Аңаа мурнакчы бүдүрүлгезиниң удуртукчузу Өшкү-Саар Ооржак-биле чолукшуп, ажыл-агыйның ниити байдалы-биле танышканнар.
Февраль 14-те сумунуң малчыннары – 100 ажыг өреге Шагаа байырлалын янзы-бүрү мөөрей оюннар-биле чараштыр демдеглээн. Депутаттар өске-даа чыылганнар-биле кады 93 харлыг энениң йөрээлдерин болгаш чагыг-сөстерин дыңнаар аргалыг болганнар. Ооң соонда мөген-бүренчилерге ТР-ниң Дээди Хуралының мурнундан байыр чедиргеннер.