Бөгүн Шагаа-2026 байырлалдың улуг хүрежи болуп эрткен
17 февраля 2026 - 20:39
Бɵгүн «Тиилелге» спорт-культура ордузунга Шагаа байырлалынга тураскааткан тыва хүреш маргылдаазы болуп эрткен.
Тыва Республиканың Дээди Хуралының Даргазы Кан-оол Даваа баштаан Аяс Донгак, Начын Чамбалдоо болгаш Буян Биче-оол кежигүннерлиг депутаттар бөлүү маргылдааның хүндүлүг аалчылары болган.
Солун салыгларның түңнелинде 116 мөгениң аразындан шыырактары илереттинген. Хартыга мɵге Начын-Мерген Ооржак шүүлген (эрткен чылдың Шагаа хүрежинде үжүүрлешкен), а Арзылаң мөге Мөңге-Эртине Куулар үжүүрлешкен (эртен чылын үшкү-дөрткү черге төлептиг болган). Үшкү-дөрткү черлерни ТР-ниң хартыга мөгези Кайгал-оол Ондар биле Начын мɵге Сүгдер Намчаа үлешкеннер.