Моол тываларының XVI Улуг Наадымы Цэнгэл сумузунга сентябрьның 12-13 хүннеринде болуп эрткен
18 сентября 2026 - 01:30
Дээди Хуралдың Даргазы Кан-оол Давааның даалгазы-биле Наадымның киржикчилеринге тыва парламентиниң депутады Аян Ширижик байыр чедирген.
Бедик деңнелге эрткен байырлал үезинде тыва адаан-оюннарга маргылдаалар, солун концерт болгаш ажык чугаа кежээзи болуп эрткен. Оларга тыва спортчулар болгаш артистер чедиишкинниг киришкен. Бөгүн Аян Ширижик Моол тываларының Дээди Хуралга белек чуруун Кан-оол Даваага дамчыдып берген.
Моол тываларының Наадымындан өске чуруктарны дараазында айтыгдан көрүп болур: https://vk.ru/album-114457376_313467082