Дээди Хуралдың депутады Тэмир Сарыглар республиканың Адалар шуулганынга киришкен
Октябрь 17-де Суг-Аксының Культура бажыңынга республиканың Адалар чөвүлели биле Сүт-Хөл кожуун чагыргазының организастааны адалар шуулганы болуп эрткен. Ооң мурнунда хүннерде кожуун девискээринге Адалар хүнүнге тураскааткан спортчу маргылдаалар база болган.
ТР-ниң Дээди Хуралының депутады, Суг-Аксы ортумак школазының директору Тэмир Сарыглар шуулганга киржип, республиканың тос кожуунунуң төлээлеринге Адалар хүнү-биле байыр чедирген.
Шуулганга Тываның Адалар чөвүлелиниң «Төлептиг ада» медалын Артыш Олегович Донгакка (Сүт-Хөл), Анатолий Дозур-оолович Чамданга (Бии-Хем), Николай Мыйтын-оолович Монгушка (Чадаана), Олег Романович Хунай-оолга (Чаа-Хөл), Демир-оол Хомушкуевич Кызыл-оолга (Бай-Тайга), Хүреш Хилин-оолович Кууларга (Чеди-Хөл), Андрей Анатольевич Логиновка (Кызыл) болгаш Мерген Батырович Сайфуллинге (Каа-Хем суур) тывыскан. Байырлалда өске-даа хөй санныг шаңналдарны, ооң иштинде Дээди Хуралдың, тыпсып турган.