«Тыва дыл – чоннуң өнчүзү» деп Шуулган болуп эрткен
Бөгүн Улусчу чогаадылга бажыңынга Тыва дыл хүнүнге болгаш бир дугаар тыва профессор, дыл шинчилекчизи Шулуу Чыргал-оолович Саттың тɵрүттүнгенинден бээр 100 чыл оюнга тураскааткан «Тыва дыл – чоннуң өнчүзү» деп Шуулган болуп эрткен.
Шуулганның ажылынга Дээди Хуралдың Өөредилге, культура, эртем болгаш национал политика талазы-биле хораазының даргазы Белекмаа Мунге киришкен. Ол Тыва Республиканың Дээди Хуралының Даргазы Кан-оол Давааның даалгазы-биле Шуулганның киржикчилеринге: башкыларга, эртемденнерге, чогаалчыларга тыва парламентиниң мурнундан байыр чедирген.
Байыр чедириишкинниң соонда депутат Белекмаа Мунге Чазак Даргазының оралакчызының болгаш өөредилге сайыдының хүлээлгезин күүседип турар Алексей Сазан-оол-биле күрүне шаңналдарын база тывыскан.
Шуулган үезинде эртем ниитилелиниң төлээлери тыва дылдың шинчилел ажылын уламчылап, сайзырадыр талазы-биле илеткелдерни таныштырган. Аңгы-аңгы тематиктиг шөлчүгештерниң ажылын, мастер-класстарны база эрттирген.