Хүндүткелдиг Улуг Башкывыс Монгуш Борахович!
Тыва Республиканың Дээди Хуралының (парламентизиниң) мурнундан Силерге төрүттүнген хүнүңер-биле изиг байыр чедирерин чөпшээреп көрүңер!
Тыва чонувустуң культуразының, чүдүлгезиниң база бир онзагай талазы болур эрте бурунгу өгбелеривистен дамчып келген улуг чүдүлгевисти - хамнаашкынны амгы үеде кадаглап, улам-на сайзырадыры-биле бар күжүңерни ынаар угландырып чорууруңар дээш өөрүп четтиргенивисти база катап илередип тур бис. Хамнаашкын дээрге, бистиң тыва чонувустуң үндезин чүдүлгези, культуразы болгаш төөгүзү болганда, Силерниң ажыл-ижиңер бистиң чонувустуң тураскаалы, келир үези-дир.
Ынчангаш моон-даа соңгаар бодап чоруур чогаадыкчы бодалдарыңарны боттандырып, күзелдериңерни бүдүрүп, узун назынны назылап, арат-чонга арга-сүмеңерни кадып, аас-кежиктиг чорууруңарны сеткилимниң ханызындан күзеп ор мен!
Тыва Республиканың Дээди Хуралының (парламентизиниң) Даргазы К. Даваа