Верховный Хурал (парламент) Республики Тыва

Официальный сайт search.png   vkontakte   facebook   twitter

Депутат Байбек Монгуш: «Ковид-биле холбашкан эпидемиологтуг байдал нарын болуп артпышаан»

09 июля 2021 - 07:02

- Ковид-биле холбашкан эпидемиологтуг байдал республикада нарын болуп артпышаан. 

Ону ТР-ниң кадык камгалал сайыдының хүлээлгезин күүседип турар А.К. Югай дүүнгү парлалга конференциязынга чугаалады. Бо аарыгга удур хамык бар-чок күштү чыыр, дузалап болур кижилерни, организацияларны хаара тудар дугайында чугаазын деткип тур мен.

Бөгүн депутат эш-өөрүм-биле COVID-19 аарыгны тодарадырының болгаш эмнээриниң республика төвүнде дежурныйлап тур бис.

Эртенги шакта Дээди Хуралдың Даргазы К.Т. Даваа-биле ээлчээвис эрттирип, улустуң айтырыгларынга телефон-биле харыылап, онза чугула байдалда эмчилерге дилеглерни дамчыдып тур бис. Дүъш соонда өске депутат бөлүк бисти солуур.

Бо ажыл берге үеде республика девискээринге коргунчуг хамчык аарыын эмчилеривис узуткаарынга Дээди Хуралдың депутаттарының талазындан шаавыс-биле эки тура дузавыс-тыр.

Кадыкшылыңарны камнап, санитар-эпидемиологтуг негелделерни сагып көрүңер, чаңгыс чер чурттугларым.


Возврат к списку