Дээди Хуралдың депутаттары Наадымның хүреш маргылдаазын көрген
17 августа 2022 - 16:42
Наадым-2022 эң солун кезээ – тыва хүреш маргылдаазы август 15-те Кызылда Владимир Биче-оол аттыг стадионга болуп эрткен. 256 мөгениң аразынга Моолдан база каш мөге хүрешкен.
ТР-ниң Баштыңы Владислав Ховалыг, Дээди Хуралдың Даргазы Каң-оол Даваа, Россияның Маадыры Мерген Донгак олар хүрештиң тиилекчилеринге шаңналдарны тывыскан. Бо чылгы маргылдаага Айдың Монгуш шүүлгеш, ТР-ниң Чаан мөгези атка төлептиг болган. Үжүүрлешкен мөге – Начын-Мерген Ооржак. Алаңгы Кара биле Начын Монгуш үшкү-дөрткү черлерни үлешкеннер.
Хүреш маргылдаазын Дээди Хуралдың депутаттары Аяна Монгуш, Байбек Монгуш, Алдын-Кыс Конгар, Эрес Хуурак, Сергей Куулар, а ол ышкаш Моолдуң Увс аймактың Хамааты төлээлекчилер хуралының депутаттары база сонуургап көрген.
Теги: